Ապիկոէկտոմիա

Լինում են դեպքեր, երբ ատամը ամուր կանգնած է իր տեղում, բայց արմատածայրին առկա է բորբոքում, որը հնարավոր չէ բուժել կոնսերվատիվ եղանակներով։ Նման դեպքերում հաճախ օգնության է հասնում ապիկոէկտեմիա կոչվող միջամտությունը։

Ապիկոէկտոմիան (արմատածայրի ռեզեկցիա) ատամնաբուժական վիրաբուժական միջամտություն է, որի նպատակն է պահպանել բնական ատամը այն դեպքերում, երբ արմատի ծայրամասում առկա բորբոքային օջախը հնարավոր չէ վերացնել սովորական էնդոդոնտիկ (արմատախողովակային) բուժման միջոցով։

Միջամտության ընթացքում վիրաբույժը փոքր մուտքի միջոցով հասնում է ատամի արմատի ծայրին, հեռացնում բորբոքված հյուսվածքները և արմատի ախտահարված հատվածը, այնուհետև անհրաժեշտության դեպքում իրականացնում է արմատախողովակի հերմետիկ փակում։ Այս մոտեցումը թույլ է տալիս վերացնել վարակի աղբյուրը և կանխել բորբոքային գործընթացի հետագա զարգացումը՝ միաժամանակ պահպանելով սեփական ատամը։

Ապիկոէկտոմիան կարող է ցուցված լինել մշտական ցավերի, արմատածայրային բորբոքումների, կիստաների, գրանուլոմաների կամ նախկին բուժումից հետո չանցնող ախտաբանական փոփոխությունների դեպքում։ Ժամանակակից տեխնոլոգիաների և ճշգրիտ ախտորոշման շնորհիվ միջամտությունը կատարվում է հնարավորինս անվտանգ և կանխատեսելի։