Ատամների սպիտակեցում

Ատամների պրոֆեսիոնալ սպիտակեցման առավելությունները

Պրոֆեսիոնալ պայմաններում իրականացվող ատամների սպիտակեցումը ունի մի շարք կարևոր առավելություններ․

• էմալի գունային տոնի նկատելի բացացում արդեն առաջին սեանսից հետո.
• արդյունքի երկարաժամկետ պահպանում.
• լիարժեք անվտանգություն՝ բժշկի վերահսկողությամբ.
• գերզգայունության նվազագույն ռիսկ.
• բնական և համաչափ սպիտակեցում.
• արտահայտիչ և գրավիչ ժպիտի ձևավորում:

Սպիտակ ատամները ոչ միայն էսթետիկ են, այլ նաև բարձրացնում են ինքնավստահությունը և ազատում շփման ընթացքում առաջացող անհարմարություններից։

Ի՞նչ արժե ատամների սպիտակեցումը

Ատամների սպիտակեցման արժեքը կարող է տարբեր լինել՝ կախված մի քանի գործոններից․

• ընտրված սպիտակեցման մեթոդից (լուսային, լազերային և այլն).
• ատամների նախնական վիճակից.
• անհրաժեշտ սեանսների քանակից.
• օգտագործվող նյութերի և համակարգերի տեսակից:

Perfect Smile շուրջօրյա ատամնաբուժարանում Philips ZOOM4 մեթոդով ատամների սպիտակեցումն արժե 70,000-180,000 դրամ՝ կախված վերոնշյալ հանգամանքներից, իսկ հստակ արժեքը սահմանվում է անհատապես՝ մասնագետի խորհրդատվությունից հետո:

Ե՞րբ է խորհուրդ տրվում ատամների պրոֆեսիոնալ սպիտակեցումը և ի՞նչ արդյունք պետք է սպասել

Ատամների սպիտակեցումը խորհուրդ է տրվում, եթե ունեք.

• ատամների մգացում՝ սուրճի, թեյի, ծխախոտի կամ գունավոր սննդի հետևանքով.
• տարիքային փոփոխություններով պայմանավորված գունափոխություն.
• ատամնաշարի անհավասար երանգավորում
• ժպիտի էսթետիկ բարելավման ցանկություն:

Ատամների պրոֆեսիոնալ սպիտակեցման առաջին իսկ այցից հետո կարող եք ունենալ ավելի պայծառ, մաքուր և խնամված ժպիտ։ Մեր նպատակն է ոչ միայն սպիտակեցնել ատամները, այլ ապահովել բնական և երկարատև արդյունք՝ առանց վնասելու ատամների կառուցվածքը։

Ե՞րբ կարող է արդյունավետ չլինել ատամների սպիտակեցումը

Կան դեպքեր, երբ ցանկալի արդյունքի հնարավոր չէ հասնել սպիտակեցմամբ, և նման դեպքերում խորհուրդ է տրվում այլ էսթետիկ լուծումներ՝ ատամնաշապիկներ կամ վինիրներ:

• Պլոմբները, պսակները և վինիրները չեն սպիտակեցվում
• Խորը, ատամի ներսից առաջացած (օր.՝ դեղորայքային) գունափոխությունները կարող են դժվար ենթարկվել սպիտակեցման
• Շատ մուգ կամ դեղին երանգ ունեցող ատամների դեպքում կարող է պահանջվել մի քանի սեանս

Եթե ունեք ատամների սպիտակեցման ցանկություն, սակայն վստահ չեք արդյունքի հարցում, ապա գրանցվե՛ք խորհրդատվության մեր ատամնաբուժարանում: Մեր բժիշկ-ստոմատոլոգները կգնահատեն Ձեր ատամների վիճակը և կառաջարկեն ամենաարդյունավետ տարբերակը՝ լինի դա ատամների պրոֆեսիոնալ սպիտակեցում, թե այլ էսթետիկ լուծում։