Ատամնաքարերի մաքրում, մեխանիկական սպիտակեցում

Ի՞նչ է ատամնաքարը և ինչո՞ւ է առաջանում

Ատամնաքարը կարծրացած ատամնափառ է, որը ձևավորվում է ատամների մակերեսին՝ հատկապես լնդերի եզրագծի հատվածում։ Եթե ատամնափառը ժամանակին չի հեռացվում, այն հանքայնանում է և վերածվում ատամնաքարի։

Ատամնաքարերի առաջացումը պայմանավորված է՝

• ատամների թերի կամ սխալ մաքրումով.
• սննդակարգով (քաղցր, փափուկ սնունդ).
• ծխախոտի, սուրճի օգտագործմամբ.
• լնդերի հիվանդություններով.
• անհատական ֆիզիոլոգիական առանձնահատկություններով:

Ատամնաքարը ոչ միայն էսթետիկ խնդիր է, այլ նաև կարող է հանգեցնել լնդերի բորբոքման, արյունահոսության և նույնիսկ ատամների կորուստի։

Ատամնաքարերի հեռացման մեթոդները մեր ատամնաբուժարանում

Ատամնաքարերի հեռացման ամենաարդյունավետ մեթոդներից է ատամնաքարերի ուլտրաձայնային մաքրումը, որի միջոցով ատամնաքարը քայքայվում և հեշտությամբ հեռացվում է նույնիսկ դժվար հասանելի հատվածներից։

Ուլտրաձայնային մաքրումը լրացվում է Air Flow տեխնոլոգիայով, որը մաքրում է փափուկ ատամնափառը, հեռացնում է գունային նստվածքները (սուրճի, թեյի, ծխախոտի), մաքրում է միջատամնային հատվածները և վերադարձնում է ատամների բնական գույնը:

Ուլտրաձայնային և Air Flow մեթոդների համադրությունը ապահովում է ատամների ամբողջական հիգիենիկ մաքրումը։

Ատամնաքարերի մաքրման արժեքը

Ատամնաքարերի հեռացման և ատամների մաքրման գինը կարող է տարբեր լինել՝ կախված ատամնաքարերի քանակից և նստվածքի աստիճանից, կիրառվող մեթոդներից (ուլտրաձայնային մաքրում, air flow), լնդերի վիճակից:

Perfect Smile շուրջօրյա ատամնաբուժարանում ատամնաքարերի մաքրումն արժե 15.000-35.000 դրամ, որը ներառում է ատամնաքարերի ու ատամնափառի մաքրումն ու համապատասխան խնամքը՝ համադրելով բարձր որակն ու ժամանակակից մոտեցումները։